إرفعي سهم المنايا يا العيون
ما بقَى فيني مكانٍ للطعون
كل شبٍر في حياتي انجرح
والذي شقّوا خفوقي يشتكون
يا العيون الطاغية خِفّي علَيْ
كبرت الّلي باوّلْ ايامي تهون
في عيوني دمعتينٍ واقفه
ردّت الايام دمعي بالجفون
بالغَتْ فيني تباريح الهوَى
واستبدّتْ بي مواجيع الظنون
خبّريني يا غرام العاشقين
كيف يستهوي هل العشق المُنُون
إرحمي قلبٍ تجاريبه قست
في زمانٍ ما عرف يومٍ حنون
اللسان يخون والبسمه كُذُوب
واصدق التعبير نظرات العيون