أعاني من زماني ما أعاني
واشيل الحمل واتحدّى زماني
وهذا طبعنا عند الشدايد
يصير لراعي العزمات شانِ
حياتي بالتجارب علّمتني
أفك حْروف عسْرات المعاني
اميّز بين ما يظهر ويخفَى
وبين ماقد كان وبين آني
واذا وّنت مواجيعي أذوّب
ونين الرّوح في لحن الأغاني
واداوي بالصّبر مجروح يومي
واشيّد باكري باعْلى مباني
واسامح عاثري واحضن عضيدي
واذا الدرب انحرف فتّحت ثاني
وبالتوفيق من ربّي أعزّم
واحقّق ما يظنونه أماني
حلاة العمر تنجز ما بديته
وتهدي موطنك أجمل تهاني
( وتقزح مثل صقرٍ بالشواهق( 1
وتنظر من مشاريف المكانِ