يا واضح الرؤية توكل على الله
نوّر طريق اللي بعينه غشاوه
بالكون خوف وبالسياسات خِلّه
والعالم اصبح من شقا في شقاوه
اليوم يومك قايدٍ نستدِلّه
بقلوبنا وعقولنا لك حفاوه
إسطع كما بدرٍ بوسط الاهلّه
واشرق كما فجرٍ لصبحه طراوه
الناس ما تتبع سوى اللي تجلّه
مهابته تقهر هقاوي السّعاوه
له منزلٍ في كل ساحٍ يحلّه
مثل العلَم من فوق راس النّزاوه
والناس تلجأ للغصون المظلّه
اللي ثمرها في مذاقه حلاوه
لك شعب ما مثله على الكوز كلّه
ولك دار من بين الممالك نقاوه
ودستورك القرآن مبدأ وملّه
ومنهج رسول الله بذكره طلاوه
الدرب واضح والمفتّح يدلّه
والاّعَمِيِّ الرّاي ماله هداوه
كم حاسدٍ عليك نفسه مغلّه
ولا بد للمصلح يواجه عداوه
إكّو الجروح اللي بها سمّ علّه
الحزم واجب دون حد القساوه
واجعل من الاضداد سيفٍ تسلّه
علم الحضاره باقتدار البداوه